陳志雲最近踏埋上舞台，同葉童合演舞台劇《莎士对比亞》，志雲大師今次演繹戲劇大師莎士比亞，當然唔係浪得虛名啦！
當年讀大學時有讀舞台製作同演舞台劇嘅志雲，日前喺《莎士对比亞》裏面，同葉童要一人分飾多角，當日馮仁昭都有考志雲叫佢扮聲，結果志雲先後用曾志偉、鍾景輝、小學生、鄭子誠、比卡超同18樓C座周老闆等聲線講對白，聽落似層層㗎！
「親密源於嘴」
而葉童演莎士比亞嘅情人，佢笑住話：「我哋之間嘅親密係源於個嘴嘅，即係佢對我吟……詩，仲吟得好精采，唔使睇佢個樣，睇樣可能唔鍾意，哈哈哈。」今年係莎士比亞逝世400年，志雲同葉童不約而同指莎劇對今時今日世界仍係相關，志雲話：「可能你用過好多字，都唔察覺來自莎士比亞，例如社交場合嘅破冰（break the ice）、愛情係麻木（love is blind），甚至傳媒界嘅低調啲（lie low）都係來自莎士比亞，佢未必係第一個講，但佢係第一個將呢啲字句放入作品。」大師果然係大師！
撰文：馮仁昭
志雲髮型：Michael Lam@I hair
化妝：Tiffany Fong
場地提供：Parc古道具公園
