【本報訊】拔萃男書院附屬小學（俗稱新小拔）昨舉行2017/18學年入學簡介會，吸引2,000多名家長出席並拿取報名表。校長羅錦麗預計報名情況踴躍，將派超過3,000份表格，並從中取錄150名新生。她提示各家長，面試着重學生臨場反應，不看推薦信及個人履歷，呼籲家長不用過份緊張，亦不用為兒子加操。
記者：葉偉東
拔萃男書院附屬小學昨舉行入學簡介會，兩場簡介會合共有2,000多名家長出席。前港姐冠軍李嘉欣及丈夫許晉亨亦為座上客，料為其適齡入學兒子鋪路，入讀小一。校長羅錦麗指，去年約派3,400份入學申請表，預計今年將增派至派3,600份。報名學童將陸續於10月初進行第一輪面試，校方將從中甄選300名學生進行第二輪面試，最終取錄150人，估計24人爭一個學額。
校長羅錦麗呼籲家長，不用特意準備推薦信及個人履歷，「推薦信，我哋都會收；有時係區議員，或者係一啲家長覺得有幫助嘅人士，但唔睇重，其實冇乜幫助，唔會有分加」；羅又稱不用準備履歷表，「收過好大叠，大學論文都冇咁大叠，小朋友得幾歲又點會有咁多嘢」。她並勸喻家長不需要找公司製作履歷表，建議一切從簡。
面試重常識 籲勿加操
羅指正式面試，校方不會出算術、寫作或政治題，而是着重學生常識、時事及溝通能力，「以前就問過學生可以數到幾多個地鐵站名」、「試過畀物件，要學生串連嚟講故事」，評核老師將從中觀察學童表現，「有啲見到學生反應好聰明、好有邏輯，係睇得出佢哋讀好多書，見識廣闊，知識層面好廣，睇得出家長係好用心去教」。
綜合面試經驗，羅認為學生如能聽從教師指示、專注投入活動、有禮貌及態度良好，入讀機會大；「相反，唔合作、唔聽話或滋擾隔籬同學」，羅直言這類學生入讀機會低，「好似試過有同學攞晒人哋嘅筆、搶晒人哋啲積木，人哋攞返就反應大，大聲說話，甚至整喊人，睇得出唔識體諒人，可能都係屋企太縱容」。
羅校長並提醒家長不用過份緊張，「試過有家長（面試時）講唔到嘢，問非所答，因為覺得說話會直接影響小朋友面試，壓力好大」。
羅又笑言有家長於面試中，將校方歷史、背景如數家珍，「其實都知家長有心，但最重要都係睇學生表現」，呼籲家長不用特別為子女加操，保持學生童真。
