練馬師胡森冇牌，馬匹各散東西，間接益了阿妹蔣嘉琦，點解咁講？事關唔少前胡廐馬，轉去嘉琦師傅呂健威馬房，如「左右逢源」、「威勢之寶」、「好易搵」及「櫻花戰士」等，阿妹總有機會接手出賽。
好似這天嘉琦便親操「威勢之寶」及「好易搵」，為兩匹新座騎在大圈快跳，一對馬都步伐輕爽，精神奕奕，健康狀況絕不比拉倉前差。「威勢之寶」上季最後一仗在泥地取勝，後勁驚人，此駒公認在胡廐時用得不多，如今仍居四班尾，當然大有可為。
至於灰馬「好易搵」跑1400米一向十分準繩，5月時此程跑第二，只不敵再出再贏已加至93分之「華美之友」，而「好易搵」現時僅74分，稍後若配嘉琦減7磅，在三班絕對是上風馬。