基斯坦奴朗拿度（C朗）喺上周四第二次拎歐洲足協最佳球員，上周五就拎埋個獎返皇家馬德里，同隊友分享喜悅。C朗呢次贏到離行離迾，以40票拋離得個位票數嘅加里夫巴利同基沙文，佢就話喺皇馬好開心，想喺度踢到41歲喎！雖然C朗行得走得，但其實膝傷未完全好番，仲做緊康復訓練，嚟緊九月葡萄牙出戰世盃外嘅大軍名單都冇佢份。