現年32歲的宅男女神鍾嘉欣，去年秘嫁無綫集團前主席梁乃鵬的脊醫姪仔Jeremy，今年2月一對新人在溫哥華補擺喜酒，當時已傳出嘉欣有孕，至5月母親節在社交網公告陀B喜訊。日前傳出嘉欣已誕囡囡，昨日她在社交網貼出囡囡照片，更公佈其暱稱叫「乖乖」。
相中所見，Kelly的輪廓很像媽咪嘉欣，特別是鼻和嘴唇，頭髮又多又黑，穿上粉紅間條裝的Kelly正酣睡中，嘉欣貼相後留言：「Hello！爸爸媽媽話大家一直都好關心我，我終於可以同大家正式打個招呼啦！我個名叫Kelly，或者大家可以叫我嘅暱稱『乖乖』，因為媽媽爸爸成日都話我好乖。我係一個獅子座猴B，7磅5安士重。」嘉欣還希望大家歡迎她的小公主來到世上，同時想囡囡成長過程有私隱空間。
香香等做契媽
嘉欣好友岑麗香和馬國明昨在馬鞍山宣傳劇集《為食神探》，二人亦送上祝福，香香自爆嘉欣與她分享囡囡的相片，問她是否也做契媽？香香說：「等嘉欣揀。」至於馬國明打算送禮券賀嘉欣。
撰文：陳杰