意大利喺歐國盃獲得唔少好評，但新帥雲杜拉就要年輕化；AC米蘭門將「新保方」基安盧基當拿隆馬喺U21大軍榜上無名，上周六嘅大國腳名單就有份。17歲零六個月嘅當拿隆馬如果喺九月一日對法國嘅友賽上陣，將會成為意國史上第四年輕、近百年最年輕嘅大國腳。講開意法呢場波，國際足協會試行錄像重播協助執法，底線裁判同睇重播嘅工作人員溝通。