王君馨昨日到灣仔出席婚紗騷，穿上不同款式婚紗谷胸亮相，連續多次差點仆倒。早前有指其圈外男友是否已求婚，君馨尷尬承認：「唔……係啦…我準備好會好啲，𠵱家等緊男友喺紐約返嚟，唔想求咗婚之後都分隔兩地咁辛苦，希望佢盡快嚟香港搵到工作，大家希望快啲同一地區相處，覺得男仔越勉強佢越驚，要畀啲空間佢。」
而作為「處女黨」成員的君馨，昨日先在微博向誕下B女Kelly的鍾嘉欣送祝福，兼自爆是Kelly契媽，講到契女時表現雀躍：「我都係今日先同大眾一樣見到BB樣，全世界同步，BB好可愛，成頭頭髮好似一歲。我哋幾個女仔爭住想搣BB同搓佢臉珠。」處女黨可會組團去探BB，君馨說：「我哋難得聚首，下次可能係大事，我好想嘉欣返嚟宣傳《巨輪II》。」
採訪：卓寶花