前晚陳浩民、文頌嫻及高皓正現身灣仔會展，出席芭蕾舞兒童音樂劇活動，當中陳浩民一家五口到場，他透露：「有人想搵我哋一拖三、一拖四，想嚟我屋企拍一日生活，又想拍我外父外母，最緊要唔好影響小朋友正常生活，呢啲係回憶，拍咗出嚟第時佢哋可以睇番。」談到酬勞，他笑笑口：「人頭計都要貴啲，傾得成當幫補奶粉錢、書簿費。」