新晉導演陳志發率領電影《點五步》演員林耀聲、談善言、胡子彤等昨日連踩十間戲院謝票，戲中林海峰在片尾聲演一段獨白：「其實場波嘅勝負並唔係最重要，最重要係你有冇勇氣踏出呢半步。」配合雨傘運動場面，令人有好多反思，連杜汶澤也在fb激讚。
現場有不少觀眾好奇問為何戲名叫《點五步》？林耀聲笑說：「因為班衰仔打打吓波講粗口『X你X母』，校長廖啟智質問時，佢哋就話討論緊《點五步》，其實係諧音。」胡子彤直言部份戲院不是太多人看，後來見到電影中全院滿座都好感動，他說：「第一日大家都好擔心，有啲負面新聞，今日團結起嚟，希望越嚟越好。」林耀聲亦說：「見有觀眾喊，搞到我都有啲想喊，希望大家一齊嚟支持呢部香港人嘅電影。」談善言則表示前晚謝票至凌晨2時，雖然疲累，但聽到觀眾歡呼即感到很振奮。而導演陳志發嘆這幾天因電影的負面新聞大受打擊，幸得觀眾「頂住」令他重燃信心。
採訪：李森
