林穎彤在劇集《城寨英雄》被姦殺一幕成話題，昨日她在商台接受訪問，被問到怕不怕被定型，她說：「唔怕，呢啲角色反而觀眾鍾意，慘情入心啲，情願做慘好過做奸，我做奸冇人信服，之前扮過奸角，啲人覺得我似小朋友扮大人。」
林穎彤承認有吐氣揚眉的感覺，因之前事業停滯不前，同時透露近日與拍拖一年的容天佑分手，問是否因近日人氣急升而嫌棄對方，她說：「唔係，我都怕人哋咁諗，之前我哋都搵緊相處方式，但近來好忙少見，大家覺得分開努力工作，唔想糾纏喺呢啲問題，做番朋友。」回復單身後，會否出現更多追求者？她說：「冇人追，平時相處我唔會諗人哋係咪追我，亦冇人發動攻勢追。」
採訪、攝影：王連連