女神謝安琪（Kay）喺今年4月舉行紅館騷，宣佈會暫別樂壇，仲冇講明要休息幾耐先復出。話明係女神，Kay梗係知道大家嘅心意啦，所以佢喺演唱會都賣大包，換咗幾套好性感嘅舞衣，又挑戰性感舞步，甚至自摸擘髀，真係令人睇到噴晒血。全盛時期嘅Kay究竟有幾多支持者？用數據話你知，Kay由2012年開始，連續四屆當選高登女神冠軍，無他嘅，因為Kay有個人妻屬性，平時又唔介意用長腿電眼益下fans，咁惹人遐想係吸引啲。