因為拍《愛．回家》撻着嘅莊思明同楊明，雖然佢哋拍拖只係短短幾個月，但係已經多次傳出婚訊，不過佢哋只係話見過家長，收到大家嘅祝福。
前日佢嘅好友張嘉兒，突然貼一張有佢、周美欣、李潔瑩同莊思明嘅合照，之後仲留言：「慧妍雅集，開會中！等待莊思明Lisa個bridal shower 中 too！」唔通佢同楊明明真係結婚？
事後莊思明接受傳媒訪問，講到係咪結婚：「我唔結婚呀，佢哋話我哋成日放閃，咪玩吓同笑吓我哋啫！」至於有冇呢計劃，佢回覆：「我哋都有傾過呢個問題，大家都有共識，如果一有好消息就會公佈，冷靜啲，定啲嚟，大家一定會知。」