隔牆有耳：
港產VR情趣品進軍成人展 - 李八方

一連三日嘅亞洲成人博覽下周一喺灣仔會展開鑼，呢期興VR虛擬實境成風，成人產品當然唔少得VR（Virtual Reality）成人電影啦。本土公司就威威嘞，自創香港品牌BKK，喺會場展銷VR成人電影互動情趣設備（小圖），將VR進一步提升至虛擬與實境互相交纏觸感境界。

「鬼佬睇到嘩嘩聲」

咁厲害，八方當然搶先見識吓。BKK總監關浩樑話，去年已開發呢個VR情趣設備，嗰陣只係成人動漫，透過VR眼罩以藍牙連男用自慰器，將用家投入虛擬世界擔當男主角，「拎去歐美參展，睇到啲鬼佬嘩嘩聲。」今年將動漫提升為真人電影，在亞洲成人博覽供客戶免費體驗，「仲分歐美、日本電影選擇，新增女用嘅自慰器。」now成人極品台女主持Lexi Kate即場親身試，玩到嘩嘩聲；佢又對內地品牌仿真人偶Keira好有興趣，妒忌話Keira外貌較真人有過之無不及，五官做得細緻，「我試按胸脯，好有彈性。」
主辦縱延展業展覽會總監唐昌榮話，零售巿道一般，未有影響成人產業，參展商數目增加咗5%至186個，料入場人次按年增5%至逾5,000人次。