【本報訊】已故樂壇天后梅艷芳的母親覃美金（圖），繼去年申請一筆過提取5,500萬元生活費被拒後，昨再向法庭提出同樣要求，申請在現存7,500萬元信託基金資產中，提取7,100萬元。93歲的她指醫生預計她尚有超過15年壽命，故要求法官批准，讓她可買屋買地，更謂「我使晒，踎街，冇得食都係我嘅事！」
稱怕火燒要買地
今年4月破產令屆滿的梅媽，昨由一班朋友陪同到法庭。她在庭上稱，遺產管理人匯豐信託逐月向她發放生活費，對她不公道，醫療費也不應實報實銷，「我病咗，使晒錢，我自己負責，冇錢就入公立醫院！」
法官指，梅媽現按月可取生活費20萬元，連醫療費用，粗略估計每年花費約400萬元，而匯豐信託會一直將基金投資，相信梅媽有生之年用盡基金資產的機會甚微，認為她毋須擔心。
惟梅媽不以為然，說自己怕火燒，故要「買笪地」，為免再搬屋故要買間屋，她更越講越勞氣，稱「啲錢係我個女嘅，唔係要你哋施捨」、「我要做乜、買乜，我要享受，要去玩，都係我自己嘅事，我到呢個時候，仲要慳咩？」法官最終押後判決。
案件編號：HCMP2981/04
■記者蔡少玲