楊明喺大台17年都算係苦盡甘來，近年受高層力捧劇接劇咁，絕對拍得住四大「回家」小生。講起呢四大小生，都咪話唔犀利，嚟自五湖四海（即係亞視、有線、唱片公司），不過佢哋唯一嘅共通點就係「回家」之後極速上位，咁就紅咗喇！
陳展鵬
中五畢業後陳展鵬參加大台第7期藝員訓練班，2002年過檔亞視，不過都寂寂無名，直到08年回歸大台，2011年仲喺《真相》入面做第一男主角，仲做埋大台當家小生！
蕭正楠
2002年以歌手出道嘅蕭正楠，當年即橫掃香港各大傳媒的新人獎，翌年向歌影視發展，不過成績麻麻，轉向內地發展，直至07年同唱片公司合約期滿，即被大台招攬，喺2013年仲做成為《巨輪》男主角之一。
洪永城
曾經喺now TV同有線電視做節目主持嘅洪永城，2012年被余詠珊賞識加入大台，翌年仲挑戰埋拍劇，未幾佢就喺重頭劇《張保仔》做男主角，同年佢仲攞埋「飛躍進步男藝員獎」。
王浩信
王浩信2005年簽約唱片公司，3年歌手生涯代表作欠奉，08年約滿轉簽大台，直至去年憑《樓奴》首次擔正，而佢今年嘅《EU超時任務》渠頭一角，受觀眾熱烈讚賞。