【本報訊】將軍澳隧道有密斗貨車疑漏偈油釀奪命車禍，律師梁永鏗直指涉事密斗貨車司機有責任確保行車安全，不會對其他道路使用者構成危險，故司機隨時面臨法律制裁。
鐵騎士宜行管道中間
梁永鏗解釋：「司機駕駛車輛，就有責任確保車輛安全，好似懷疑架密斗貨車漏偈油咁，其實類似車輛冇煞掣一樣，構成危險，一樣要負責。」至於隧道公司亦有責任確保路面安全行車，例如隧道範圍內有地窿以致車輛失事，隧道公司須負責。不過，梁指若隧道內有水迹或偈油，屬於「灰色地帶」，「冇可能滴一滴水又封管道清理」，法庭會衡量是否合理；尤其今次事件漏偈油後隨即發生車禍，隧道公司未必可以及時處理，故相對上責任較少。
香港汽車工業學會會長李耀培稱將軍澳隧道常有貨車出入，以重型車輛而言，引擎機油可多達20公升，一旦滲漏，確有可能令油迹長至觀塘繞道。此外，路面有泥沙、餿水等亦是常見。他提醒鐵騎士，駕駛電單車時行經管道，最好行中間位置，因為管道的邊沿位會積聚較多沙石污迹，較易跣胎，同時切忌「攝車隙」。
■記者劉柏麟