立法會今年換屆，選舉於下月4日舉行，今次不單是建制、民主之爭，本土派崛起港獨思潮蓄勢待發。事有湊巧，在拉票衝刺期的關鍵8月，先後有3部不同題材，但同樣隱含社會民生議題的電影上映。月初先有《導火新聞線》講受壓迫的市民終極爆發，月中再有圍城受困的《危城》，壓軸的有以中英聯合聲明作背景的《點五步》。有資深影評人預言，隨着對社會不滿升溫，這類電影將越來越多。就連無綫也重播神劇《天與地》湊熱鬧。
撰文：何永寧
由新晉導演陳志發執導的電影《點五步》，是一個地道香港屋邨仔的故事，發人深省的是電影加插前年雨傘運動的片段。故事發生的時間，正是1984年中英聯合聲明簽署的那一年，在敏感的8月，教人多了一份聯想。陳志發早前接受訪問說：「拍嘅時候運動（雨傘運動）啱啱開始，過程係同步，（拍）完之際運動都完，最後決定紀錄呢段片，作為時代印記。將呢個年代同80年代掛鈎，因為雨傘運動同每個香港人息息相關。電影講嘅84年係聯合聲明簽署，同樣影響每個香港人，當時嘅年輕人對香港未來未知，到𠵱家由年輕人發起嘅運動。借兩代人嘅緊扣，帶出對未來嘅見證，係部戲最想講嘅事。」
陳志發：信念係要堅持
陳志發表示該段紀錄片拍得非常急，因為運動臨近清場。片末林海峰的聲演「有冇勇氣踏出呢半步？」導演謂是一種信念的堅持：「信念係需要堅持，可能呢一刻未達成，一場波唔得，冇話下場波唔得。有啲嘢只要信念一直有，我覺得仲有機會。」他笑言希望可以將這句話送給每一位香港人，但沒有想過將電影政治化，只是肆意將自己喜歡的事物加上去：「首先呢套戲冇商業投資者壓力，當時整乜都好冇人理，鍾意加乜都得同放膽去講。片尾仲要強調『港英政府命名沙燕橋』。」
另外，《危城》導演陳木勝直言《危》片純以商業掛帥：「套戲訊息係講公義，大家感受到幾多就幾多，電影世界就係咁，觀眾有共鳴，就係佢哋嘅共鳴。」他笑言戲中有一句對白是講公義需要人去執行，單靠講是沒有作用。
