吳業坤和黃心穎昨日在尖沙嘴出席周大福活動，由心穎胞姊黃心美擔任司儀，而黃爸爸亦有現身會場，心穎被問爸爸是否為女兒選嫁妝？她笑說：「冇呀，自己賺錢買，或者另一半送啦，我好鍾意儲首飾，出街唔戴啲首飾，好似冇帶電話咁。」心穎指拍拖時曾收過男友首飾，但未試過分手後要歸還，更笑指身旁的坤哥：「你千祈唔好學呀，唔好叫女仔還番畀你。」坤哥回應說：「我唔會買。講笑，我唔會買畀黃心穎啫。」
心穎更爆坤哥在活動前提議與其家人影全家福，又直呼其爸爸、胞姊為「爹哋」及「家姐」，心穎說：「我俾佢嚇親。」問坤哥是否想追心穎？他即說：「正囉，不過只可以做嘢唔可以交心，追佢，我未夠班。」
採訪：盧妹
攝影：沈健程