適逢中國最後一個皇帝愛新覺羅‧溥儀誕辰110周年，香港海防博物館即日起至明年2月13日舉行「天子．公民－－末代皇帝溥儀」展覽，展出近70幾組末代皇帝嘅珍貴文物、影片同圖片等，包括1932年偽滿洲國成立後，溥儀以「執政」身份頒發的第一號《執政令》，以及喺1964年擔任全國政協文史資料專員嘅工作證。
展覽由康文署同吉林省文物局合辦，香港海防博物館同偽滿皇宮博物院聯合籌劃；民政事務局副局長許曉暉噚日致辭時話，溥儀一生三次稱帝，經歷清末民初、軍閥割據、偽滿洲國、抗日戰爭、太平洋戰爭以至新中國成立等歷史大事；相信市民可以沿住溥儀嘅一生足印回顧中國近代史，實在別具意義。
新聞統籌專員馮煒光噚日都有嚟捧場，仲對溥儀嘅仿製龍椅非常有興趣，興致勃勃咁試坐。日薪一萬蚊，又真係快活過做皇帝喎！