新盤一個接一個開盤，一個又一個賣個滿堂紅，樓市熾熱程度可見一斑，但大家也見到發展商在定價和加推上十分克制，擔心樓市大病初癒，出價太過進取可能弄巧成拙，吸客變成趕客。
二手突然轉靜除了因為加價太狼死外，又與發展商貼市定價開盤有關，經過去年全盛時期的瘋狂樓市後，見頂後極速回落，尤其是細價樓意料之外的跌幅，嚇走了置業者；今次樓市熱潮由投資者所帶動，基於定價筍過二手，又有一大堆優惠和稅務條例，這是港人港地啟德1號第一期無可能同步推出的。所以要吸投資者大手掃貨製造氣氛，新地（016）早前開售的筲箕灣形薈便做了一次示範動作。
投資者很簡單，最多着數和價錢吸引便掃貨，見到形薈第一批被投資者掃了一半，餘下不足一半就數百人去爭，那麼發展商可以一網打盡，早前老樓以客戶身份參觀元朗Grand Yoho時，排隊人士不乏大手掃貨人士，明知發展商餘貨會調價，抱早買早享受心理，連同其他用家在內，便造就過萬票的成績。
恒地（012）多個市區劏盤亦加入戰團，多個遠期樓花盤隨時可以出擊，目標是投資者不是用家。因為同一個樓盤無論大細，前期功夫一樣咁多，有投資者出沒對銷售有保證，等於承建商與包銷商的合作關係，過去100年香港樓市都是這樣營運，沒有太大改變。
劉兆昌
資深地產傳媒人
http://www.HKLau.com
本欄逢周五刊出