9月11日舉行嘅第二屆越野極限障礙賽，會首次喺野外舉辦，連四屆拳擊冠軍曹聲揚（曹星如哥哥）亦會參加，但大會賽前訓練班教練李智勇話「大隻」都未必贏硬㗎。
關卡包括者要攀過馬騮架，稍一不慎會跌落大水池，或要穿過雪糕筒組成嘅迷宮，其間仲要涉水過河或溪澗和跑山路，賽事會喺大棠有機生態園，冇舊年喺市區搞咁容易。所以，李智勇話唔係單靠體力，仲會考驗平衡力等。
比賽包括「奔FUN組」，關卡較簡單，全長3公里，另一「挑戰組」賽道全長約4.8公里，分男、女賽，每組頭15名完成賽事嘅進入男女混合決賽，爭取總冠軍，勝出可參加上海觀看NBA之旅。舊年全場總冠軍司徒兆殷今屆亦會參加，佢話會跑山練習，熟習泥地環境。比賽查詢熱線：2117 1650及網頁 http://www.tissotlimitless.sportsoho.com