中秋節新寵榴槤月餅，近幾年越出越多花臣，冰皮、奶黃、水晶皮等，大行其道，而甜品店「沛公甜品」就趁住今年開業八周年，推出鮮焗榴槤月餅。有別於一般榴槤奶黃月，這款月餅用上傳統月餅皮，餡料則是100%馬來西亞新鮮榴槤肉，包括港人最愛的貓山王、D24，還有香港較少引入的黑刺。黑刺在馬來西亞非常出名，產量較少之餘，味道也不遜於貓山王，是當地矜貴品種之一。
一盒四個的迷你榴槤月餅，最特別之處在於全部新鮮訂造，會於收到訂單後的翌日焗製，後日取貨，不添加防腐劑，所以保存期亦有限，冷藏的話只可放約一星期。雪凍後，傳統外皮仍能保持香脆，甫開蓋已傳來一陣榴槤香，入口不算太甜，就算吃半個也不膩。
沛公甜品
地址：尖沙嘴寶勒巷1號地下E舖
記者︰黃依情
攝影︰黃子偉
