奉子成婚嘅藝人就多，生完先結婚就真係少之有少，不過諗到喺婚禮度帶埋愛情結晶嚟見證，都係一件幾難忘嘅事。08年靚佬方中信「失驚無神」做老竇，老婆大人莫可欣懷孕三個月先同佢講。有指當時方中信同記者講﹕「妖﹗我都唔係知早你好多咋﹗」最後莫可欣臨盆前兩日，正式同方中信註冊結婚。
陳奕迅、徐濠縈
徐濠縈喺04年幫陳奕迅生咗囡囡康堤，兩年後Eason喺康堤同一眾親友見證吓結婚。
林志穎、陳若儀
「台灣小旋風」林志穎同模特兒女友陳若儀交往多年，09年有咗囝囝Kimi後，原本佢哋打算奉子成婚，但小志爸爸突然去世，小志要守孝三年，所以佢哋10年先註冊，三年後先喺泰國布吉舉行婚禮。
鍾麗緹、Glen Ross
鍾麗緹喺98年生完大女Yasmine Ross，先同首任丈夫Glen Ross結婚，02年離婚。之後佢再同嚴錚結婚，但都係離婚收場。今年佢會同大陸男星張倫碩結婚。
賈靜雯、孫志浩
台灣女星賈靜雯05年承認未婚懷孕，BB嘅爸爸係圈外人孫志浩，7月誕下女兒「桐梧妹」，同年12月先喺美國註冊結婚，最後離婚收場。