周三英聯盃次圈賽事，又有兩支英超球隊出局。般尼（藍衫）喺上輪英超勇挫利物浦，周三盃賽作客英乙嘅阿克寧頓，派上唔少副選出戰下，戰至加時以0:1輸波；至於米杜士堡就輸畀英冠嘅富咸，喺法定時間以1:1和局收場，踢到加時輸1:2出局。踢完今輪賽事，賽會亦隨即進行咗第三圈抽籤，曼聯抽到好籤，將會作客英甲諾域頓，而較為矚目嘅戲碼就有李斯特城主場對車路士。