大台一齣關於五、六十年代九龍城寨的劇集，令飾演花曼的王君馨跑出，劇中佢一對粗眼線加紅唇，配上一頭鬈髮，有幾分向瑪麗蓮夢露偷師嘅味道，簡直性感到不得了。其實差唔多時代，另一邊廂歐美流行玲瓏精緻的大眼妝，更加remarkable。
「說到名人的話，較深刻印象的是60年代的Twiggy。」專業化妝師Shirley Wong說。當時Twiggy根根分明的眼睫毛和double liner眼妝，化出來就似洋娃娃，自動幫眼睛放大一點五倍，掀起一陣跟風潮。不過用實色黑色眼線做double liner有機會太heavy，未必人人受得起，「到了70年代，妝感會較柔和。」相對60年代的重妝效，其實70年代妝感更現代，如今要化番都唔算難carry。
要化出輕柔版嘅復古妝，Shirley建議將重點放在眼同唇部。「亞洲人未必有西方人的深輪廓，所以要沿着眼核位置，喺眼中央拉出平線，放大眼睛之餘也帶出上揚效果。」眼線咁搶眼，Shirley就話眼影要相對近膚色，裸色、淺銀色都係好選擇，想bold一點的話，亦可以將眼影濕水用。「當眼影濕水後會有濃厚一點的感覺，眨眼時更有立體感。」
但不論是香港抑或西方，都一樣緊張唇妝。怕紅唇太誇張太難掌握？來一個變奏版也可以。「日常化的話，漸變妝容會較易上手。可以先用深色唇膏塗在嘴中央，然後用淺色唇膏暈染唇邊，效果已經很漂亮。」
（a) NARS 中環德輔道中20號德成大廈地面1號舖
（b）SHISEIDO 中環金融街8號國際金融中心商場1樓1087號舖
（c）Urban Decay 銅鑼灣時代廣場地下連卡佛
（d）Etude House旺角亞皆老街36-38號龍飛大樓地下1-2號舖
記者：黃樂雯
