瑞房（272）主席羅康瑞舊年中首次帶女女羅寶瑜（Stephanie）亮相記招，之後每次股東會同業績幾乎都父女檔上陣，但噚日中期業績會竟然只得羅康瑞同財務總裁孫希灝孖咇，原來有喜事，Stephanie又有喜！
羅康瑞一提起快再抱外孫，笑晒口同華華講，Stephanie之所以no show係因為有BB，要多啲休息。華華當然要八吓Stephanie幾時預產期同生B仔定B女，點知羅康瑞就叫大家放過佢，仲話「我唔敢講，等佢（Stephanie）自己講，唔係佢鬧我呀」。
就嚟再次抱外孫，羅康瑞仲有啲奢侈的煩惱，話因為「覺得自己好老，要做外公呀！」查實今次Stephanie早已經生咗個囝囝，今次係第二個小朋友，湊外孫對羅康瑞嚟講真係無難度，恭喜晒！