【海外樓市】
英國樓市自脫歐公投後跌勢持續，倫敦豪宅天價不再，部份放盤減價近一成求售。有持有英國多項物業的港人看淡樓市，逐步沽貨套現；在唐人街經營食肆的居英港人無悔投票脫歐，惟脫歐後試過單日生意額只有29英鎊（約295港元），較金融海嘯時更艱難。
記者：伍詠雯
英國6．24脫歐公投後，英鎊兌港元由11.4算水平，跌至10算邊緣，跌幅超過一成，為自1985年以來新低。倫敦樓價同步下跌，英國地產代理Harrt研究報告發現，7月倫敦平均樓價從55.9萬英鎊降至52.7萬英鎊，跌幅逾半成。
港人業主料樓市供應增
英國地產代理Zoopla統計發現，倫敦豪宅市場表現亦慘淡，超過三成半放盤減價近一成求售，減價盤較今年4月升4.29%。倫敦第一豪宅區肯辛頓和車路士區放盤豪宅，平均減價15.6萬英鎊；西敏區和倫敦市中心也有豪宅盤減價，平均減幅為13.7萬英鎊和6.6萬英鎊。倫敦西部的漢默斯史密斯及富咸區放盤亦減8.2萬英鎊。
Countrywide最新報告預測今年英國樓價升3.5%，遠差過前兩年全年雙位數升幅；明年英國樓價料轉跌1.25%，為六年來首次。於英國持有10項物業的港人盧小姐（Lucy）估計未來兩至三年樓市轉淡，「倫敦有好多高樓大廈起緊，一式一樣嘅apartment，唔同以前嘅屋仔（獨立屋）咁。供應多咗，樓價應該會跌。都唔係完全關脫歐事，加上最近屋企有事，已經賣緊英國物業套現。」
英國出世、70後香港人文先生投票撐脫歐，表示脫歐談判一日還未展開，仍有許多不確定因素。文先生在倫敦唐人街經營的甜品店，被業主加租37.5%，每周租金升至近千英鎊，較七年前開業初期每周租金只有三、四百英鎊，增幅超過一倍，「倫敦唐人街不嬲都有租嘅問題，都冇辦法控制，我哋做嘢同業主打工……呢兩月我見到附近三間中餐館閂門（結業）。」
文先生又透露英鎊貶值帶動訪英旅客上升，倫敦唐人街遊客卻未見顯著上升。他感到英國民眾消費意欲低，本地人多數勒緊褲頭；旅客消費又「慳住使」，曾見過兩位內地遊客只點了一杯飲品，平均消費約5鎊至7鎊。
甜品店老闆嘆英鎊貶值
甜品店成本上漲，主因英鎊貶值令進口食材價格上漲，「公仔麵一箱（30包）都貴咗兩鎊喇，以前賣9鎊幾一箱，現時賣11鎊幾，貴咗好多。」文先生慨嘆要做蝕本生意，「脫歐後試過單日生意額得29鎊，畀租、出糧乜都唔夠畀……買貨都唔夠畀呀。」