立法會選舉去到直路，各邊緣候選人都出盡各種方法拉票，不過以往拉票方式，大多係標榜自己做過乜、政治立場有幾堅定、又或希望選民畀個機會佢，不過好似國師陳雲（圖）咁，用靠嚇選民方式，為熱普城候選人拉票，八方就真係好少見。
話說國師日前係佢facebook貼文，繼續話港獨唔係出路、永續基本法先係出路，佢仲話要好嚴正同香港同胞講，今次立會選舉係香港命運抉擇，「必須盡力投票給熱普城的五區聯盟的候選人，一個也不能少！」
國師唔只叫人投熱普城有霸氣，仲同選民話，如果「你們選錯了」、即係冇投熱普城，「往後香港滅亡，請不要想起陳雲，也不要再祈求陳雲會做什麼事！」原來唔投佢哋一票，香港就要滅亡，真係嚴重過去六四燭光晚會，會被五雷轟頂！該區其他參選名單，請參閱本報立會選戰網站 http://hk.apple.nextmedia.com/legco2016/region 。