以小時圖去睇，港股毫無疑問進入弱勢。喺之前升市途中，恒指9小時RSI一直喺保歷加通道中軸尋獲支持、然後上升破頂，現時由強勢轉為弱勢，小時圖B band中軸自然由支持位變成阻力位，中軸喺星期三收市處於22877點，並一直向下延伸。恒指重返小時圖B band中軸之前，無論如何保持睇淡。
呢種情況，最驟忌係受到周遭安全嘅氣氛所感染，然後大安旨意去估後市唔慌跌得多，即使要博個股逆市升，都一定要事先準備一個大跌劇本，等自己feel到勢色唔對之際，可以立即火速斬纜；另一方面，假如後市真係跌唔多，極速回升，亦要盡早搵出轉強訊號。
其餘時間有乜好做，當然係睇吓業績再發掘好股，稍後再講。
晉佳
http://fb.com/advanceguy1