貝鈞奇愛駒「天狼星」呢個馬名，引人聯想到《哈里波特》其中一個角色天狼星，但原來對貝鈞奇嚟講，「天狼星」係有好特別含意。
貝鈞奇說：「『天狼星』係紀念我自己嘅青春，馬名來自文學家余光中嘅長詩《天狼星》，七十年代只得廿幾歲，我當時行船，係客貨輪上做電報員，生活係船上渡過，空閒時就會閱讀，余先生就係我很喜歡嘅作家。」
貝鈞奇續說：「客貨輪喺香港出發去美國，太平洋上嘅夜空星光滿佈，最光亮嘅一粒星就是天狼星，行船日子令我有機會去到台灣、日本、加拿大、美國東西岸。當時飛機票係奢侈品，大部份港人根本冇能力負擔到，我因為工作，難得可以四出遊歷，見識世界，『天狼星』嘅英文馬名Oriental Fantasia(中文船名為「東方繁華號」)，正就係我工作嘅客貨輪船名，艘船令我眼界大開，改變咗一生。」
撰文：林湛穎