「雞全部都係雞」似乎仲未loop完！肯德基原來除咗有雞食，仲撈埋護膚品，美國肯德基星期一喺Twitter公佈，將會推出新產品，只要網上登記就免費送「勁脆雞肉味SPF 30防曬霜」！但留意番，只限美國咋，香港「雞迷」就無咁嘅福份喇！
肯德基發言人接受《財富》雜誌訪問時就解釋，KFC餐廳嘅炸雞味獨一無二，所以希望令粉絲將呢種「雞味」帶走喎。不過，隻防曬就唔會「食落有雞味」，只係聞落似雞味咋，所以千萬唔好放入口。肯德基仲話，呢隻防曬限量3,000支，所以已經喺美國境內派晒啦。
華華對呢支嘢興趣唔大，只係想知若果噴咗，會唔會有狗咬呢？