如果有74萬，你會揀買樓定買一個夢想？
「從小到大，飛行都係我嘅夢想。」香港地講追夢，好似係有啲難度，不過呢74萬，高肇謙揀咗去圓自己嘅飛行夢。2016年1月，23歲的高肇謙隻身飛到澳洲阿德萊德飛行學校Flight Training Adelaide，用三個月考獲私人飛機飛行員執照（Private Pilot Licence，簡稱PPL）。「嚟之前都考過機師，但係唔成功。會覺得係唔係自己的經驗不足，或者知識上不夠，所以想過來試一試。」
考完PPL後，高肇謙繼續修讀商業飛行員執照（Commercial Pilot Licence，簡稱CPL）理論課程，儲夠飛行時數後就可以正式有牌。根據飛行學校資料，要完成兩項執照課程，其實要超過12萬澳幣（約74萬港幣），呢個自資學飛生活，真係分分鐘都計緊錢，「例如飛行練習一個小時要300元澳幣，如果你飛了2.2小時，就會用時間乘以300，視乎你用了多少時間。」考獲呢兩個牌照之後，同大部份民航機機師一樣，都會專注於駕駛一個機種，「暫時我懂得駕駛的TB10，屬於一架單引擎、起落架固定的低翼飛機。」
正所謂錢唔怕使，最緊要使得抵。二十歲出頭，非富二代出身其實呢個夢亦唔容易追，「其實家人也幫了很多，自己以前也有打工儲蓄，經濟上我也很擔心家人會負擔不了，所以有時候我慳得嘅都會慳。」
其實74萬，依家都未必足夠付上置業首期，為自己買一個夢想，都未嘗唔係另一個選擇。
記者：黃樂雯
