【蘋果360】Slide the City 360°濕身搶先試： https://youtu.be/wljAm-R_-fA
想睇 鄧洢玲(阿旦)360°濕身搶先試Slide the City，只要撳入上面嘅YouTube連結，就可以一齊碧波蕩漾，濕住瀡，瀡住濕！
（方法：利用YouTube網頁或手機程式開啟，即可移動手機方向轉換角度，電腦用戶可選用滑鼠或方向鍵在YouTube網頁播放器內令畫面向上下左右移動，360度欣賞片段，猶如親歷其境。）
位於中環海濱活動空間的「Slide The City Hong Kong香港站2016」滑水梯今日正式開放，鄧洢玲（阿旦）和夏雨兒子黃奕晨昨日搶先試瀡大型滑水梯，滑水梯長逾150米，高約10米，滑台既高又斜，改善了去年在啟德郵輪碼頭舉行時斜度不足的問題。
「快到不受控制」
阿旦和黃奕晨昨日一馬當先，搶先行上滑水梯的頂部先瀡為快，搶先玩完第一轉後，他們都大叫超好玩，阿旦說：「呢條梯真係好長，佢keep住滑極都未滑完，但我好欣賞啲工作人員，佢可以幫手㗎，幫我哋揈啲手手腳腳出去，好似爆旋陀螺咁，好好玩。」黃奕晨興奮的說：「一開始有六個工作人員，一嘢將我飛出去，真係勁快囉！我仲係第一個搶先瀡落嚟，用咗20秒左右已經瀡咗落嚟，係快到有少少不受控制，係咁轉轉轉，中間會係咁轉圈，最好係睇到個好靚嘅景。」
有指去年的Slide The City不夠水令滑速不高，阿旦表示今趟水量充足：「中間啲水係會令到成個人濕晒。」
鬧市沙灘好爽
在烈日當空下，阿旦稍嫌水溫過暖，黃奕晨就說：「第一次玩係有啲熱，但之後就唔會覺得熱，滑咗落嚟之後就散晒熱。」之後阿旦去到人造沙灘坐，又玩泡泡池，她笑言在鬧市內坐沙灘的感覺很爽，如果有一支冰凍啤酒就更加正。
Slide The City整個場地製作成本大約2,000萬元，滑水梯為全亞洲最長，除了主打的滑水梯外，還有泡泡池、吹氣迷宮及一個人造沙灘。每晚都安排不同主題的音樂節目，其中一晚主題是「我愛廣東歌」，屆時「坤哥」吳業坤和應昌佑都有份演出。
採訪：陳杰
髮型：Cedric of nova hair（鄧洢玲）
【Slide The City香港站2016】
日期：即日起至8月29日
地點：中環海濱活動空間
票價：$180至$580
*8月29日只設早場門票
