出席選舉論壇，梗係想奇招百出，引起選民注意，乘勢拉多幾張票。而喺港島區參選嘅司馬文（Paul Zimmerman）呢，本身係外籍人士，一入閘已經好惹人注意，但唔少人覺得佢好蝕底，皆因佢講英文喎，雖則話港島區選民唔少係中產專業，英文未必難倒佢哋，但始終中文先係主流，所以出席選舉論壇時，有啲選民或者未必聽得明。
講到呢度，真係不得不讚司馬文好醒，日前喺有線電視嘅選舉論壇上，司馬文有備而來，邊發言邊舉字牌（圖），自行即時繙譯、中英對照。呢個咁有心思嘅舉動獲唔少網民讚好，有人形容係「Bob Dylan式字幕」，更有趣嘅係，Bob Dylan嘅本名正正係Robert Zimmerman，話司馬文都算係向同宗致敬喎。 http://hk.apple.nextmedia.com/legco2016/region 。