星光熠熠…眨吓眼已有唔少星二代長大，當中唔止索女多，連星二代筍盤亦好多，遺傳晒父母基因，昨日有周刊講起吳婉芳大仔Caspar、細仔Lynus；三哥囝囝苗俊、馬德鐘囝囝馬在驤。
馬神馬德鐘18歲囝囝馬在驤現時讀法國國際學校，識講法語、英語同普通話，平時同爸媽都係講法語，馬神同囝囝關係更似足好友，而且馬神都支持囝囝入行，不過目前馬在驤目前仲係單身，先專心學業同游水。
而1986年港姐亞軍吳婉芳，自1993年嫁咗畀胡家驊，廿二歲大仔Caspar今年喺倫敦大學經濟系以一級榮譽畢業，現時讀緊碩士課程，而吳婉芳細仔Lynus喺牛律大學讀Year 3，操得幾大隻，不過佢就唔考慮入娛圈。三哥苗僑偉22歲囝囝苗俊身高有成6呎2，現時喺溫哥華讀設計，兼係學校籃球隊員，今年同Jasmine Chan撻著，被私有化!!