「天狼星」馬主貝鈞奇上季由澳洲引入一匹新自購馬叫「雷公鑿」，現評72分，馬名好有氣勢，他對此駒新季有乜展望?
貝鈞奇說：「『雷公鑿』由我和朋友朱悅忠夾份擁有，個馬名係佢改嘅，朱先生從事農產品生意，而雷公鑿係本地好優秀品種嘅苦瓜，口感甘甜帶苦。『雷公鑿』由徐雨石親自挑選，上季跑過一場1400米冇乜走勢，牠於1400至1600米係射程範圍，同『天狼星』一樣身價唔高，『雷公鑿』200萬都唔駛，不過體型同『天狼星』相反，『雷公鑿』太大隻，仍需減肥收身，佢就好似足球術語『青春班』，目前仲後生，要有耐性，比啲時間佢成長。」
撰文：林湛穎