為咗參選，可以搏到幾盡？大家睇吓民建聯新西候選人梁志祥就知啦！有讀者向《蘋果》爆料，話見到梁志祥企咗喺吉普車叫咪拉票，半個身都突出車外面（圖），睇落危險之餘，直頭違法！
據讀者提供影片所見，有兩個人企咗喺吉普車後座，拎住個咪喺度宣傳，後面就有架印有梁志祥團隊嘜頭嘅貨車跟尾。八方問過梁志祥，佢話條腰係扣咗安全帶，只係條片影唔到箒，仲話「呢個算唔算違犯交通規例？我就唔知喇！」況且其他候選人都係咁做，總之唔覺咩咁大不了。
根據《道路者使用守則》規定，無論坐私家車、的士、小巴抑或貨前嘅前座定後座，有安全帶嘅話，乘客必須佩戴。八方睇過條片，又唔多見到梁志祥條腰有安全帶喎？提醒番祥哥啦，馬路如虎口，交通規則要遵守。該區其他參選名單，請參閱本報立會選戰網站 http://hk.apple.nextmedia.com/legco2016/region 。