《Slide The City Hong Kong香港站2016》再次嚟到香港，《蘋果》就搵咗鄧洢玲(阿旦)同夏雨兒子黃奕晨昨日率先試瀡大型滑水梯，滑水梯長逾150米，喺側邊睇已覺又高又斜，咁如果由GoPro角度影落去，場面肯肯定更震撼！
唔使諗，即時送上GoPro版阿旦V嘩鬼叫瀡150米長梯嘅超震撼場面！水花四濺，加上阿旦重炮型巨胸，好刺激！之後阿旦仲有喺人造沙灘坐同玩泡泡池，佢就話：「喺鬧巿人造沙灘坐吓都幾爽，對住主舞台，又可以聽歌，如果有支冰凍啤酒就正。置身迷你泡泡池，仲要戶外，好夢幻，女仔都鍾意浸泡泡浴！」