【立會新丁】
【本報訊】過去兩屆立法會中，工業界（二）代表林大輝不時與泛民主派站在同一陣營炮轟特首梁振英。林退下火線後，廠商會副會長吳永嘉在該界別自動當選，上屆特首選舉中提名唐英年的吳未有表明是否支持梁振英連任，只希望下任特首能與不同階層、界別有深入溝通，令社會和諧發展。
「傾港獨冇理由犯法」
吳永嘉接受訪問稱，任內會關注青年置業、人口老年化的問題。他指青年置業難是造成社會不穩的因素之一，建議港府大建公屋、居屋外，提出首置計劃。他指坊間將新一代描述成「廢青」、甚至抨擊年輕人踏入成年便申請公屋，代抱不平指：「佢（青年）係有佢嘅權利去申請輪公屋，我哋唔應該扼殺佢有權做、喺法律下容許做嘅嘢喎。」
但對於越來越多年輕人提倡港獨，吳絕不認同，指香港沒有獨立的條件，除了不少建制派提出水、電、食品要依靠內地外，吳反問香港從來沒有軍隊，一旦獨立：「我哋用乜嘢嚟保衞我哋自己呢？」。至於是否連討論港獨也不可以，身為律師的他稱：「咁你傾港獨係乜嘢嚟，咁冇理由犯法啦……如果你個語言係煽動緊一啲人，或者鼓吹緊一啲人去做一啲法律唔容許嘅嘢，咁一定係犯法啦。」
相對林大輝的收放自如，吳永嘉明顯小心翼翼，特別是談到梁振英。吳解釋上次提名唐英年因為唐先找他；至於下任特首人選，他指：「根本冇人話出嚟選，冇政綱、冇材料，我冇辦法可以喺一個冇基礎上面嘅時候話畀人聽我支持邊位。」就連如何看兩位疑似候選人曾俊華、曾鈺成，吳亦滴水不漏，「總之我支持任何有能力而政綱合我同業界心水嘅候選人」。
■記者呂浩然