噚日彭博報道，微軟創辦人比爾蓋茨（Bill Gates）身家再創新高，淨資產達900億美元（下同；約6,975億港元），相當於美國GDP的0.5%！
舊年9月《福布斯》美國富豪榜顯示，蓋茨當時淨資產已經連續22年位居榜首，達760億元，即係話喺不足一年，佢嘅身家就升咗18.4%，創晒歷史最高紀錄！
究竟佢啲錢喺邊度嚟？報道話主要因為蓋茨揸住嘅幾間上市公司股價都十分強勁，就好似加拿大國家鐵路（Canadian National Railway Company）、消毒產品製造商Ecolab等。
不過，原來蓋茨身家900億已經唔係奇事，早喺1994至1999年間，微軟股價最高接近59美元，當時佢淨資產都差唔多有900億；不過其後股價一直表現麻麻，佢又開始向比爾和梅琳達．蓋茨基金會（Bill & Melinda Gates Foundation）捐款，先令到個人資產減少。
識得賺錢，又識得捐錢，中國幾時先出到多幾個呢類富豪呢？