韓國有幾位男星都被冠以「新韓流天王」，當中包括神劇《來自星星的你》金秀賢、《繼承者們》李敏鎬、《W》李鍾碩、《任意依戀》金宇彬、《六龍飛天》劉亞仁、《龍八夷》周元等，仲有今年誕生嘅男神《太陽的後裔》嘅宋仲基。
每次一有一套熱播韓劇出籠就會有男神誕生，不過其實一眾男神都有青澀時期，近日韓網將呢班男神嘅黑暗歷史翻炒出嚟，當中大部份嘅照片都係佢哋初初入行時所拍攝嘅作品照片，而個時佢哋嘅樣子好後生，感覺青澀稚氣，應該當時未有演出經驗，所以喺鏡頭前顯得好怕醜咁。
當中好似金秀賢咁，佢喺2007年時演出MBC嘅家庭劇《泡菜乳酪微笑》，當時金秀賢就冇齊蔭，反而有一頭攣攣地嘅頭髮，當時佢仲僅着住泳褲，赤裸上身露兩點，呆呆嘅樣好鬼可愛。
而李敏鎬喺2006年拍韓劇《秘密的校園》時亦個頭又亂又長嘅髮型，0依家睇返都幾嚇人。至於李鍾碩雖然喺2010年時以韓劇《檢察官公主》出道，事實上佢2005年時已經以模特兒身份喺SBS嘅綜藝節目《真實遊戲》出現，當時佢面型比較闊，身上着上當年嘅流行開胸服飾，0依家佢自己睇返可能都嚇咗一大跳。
還有金宇彬喺2011年出演《吸血鬼偶像》以及周元於2010年出演KBS嘅《麵包王金卓求》，佢哋個樣都0依家都相距不遠。而《六龍飛天》嘅劉亞仁2003年時憑劇集《四捨五入》出道，當時佢個樣真係又可愛又細個。