【漁農界】
僅154個團體選民的漁農界今屆由64歲的黃容根退出民建聯，決戰36歲的前黨友何俊賢。4年前按黨安排讓位新丁，4年後即復出並獲侯志強及梁福元等鄉事派支持，黃容根否認心有不甘或掀惡鬥，「如果佢（何）做到嘢，我唔會出返嚟！」前輩上陣對撼，何俊賢稱未必純因工作不足，不排除是上屆餘波，自稱一如梁振英，「坐親呢個位就要（被）隊！」
何俊賢報名時獲104個即界內近七成提名，連任機會被看高一線，獲30個提名的黃容根卻稱未必，「唔係攞百幾個提名就贏，相信選民理性、懂得選擇」。退黨孤身作戰，卻對選情有信心，或因獲鄉事支持。其宣傳橫額可見獲上水鄉委會主席侯志強、元朗十八鄉鄉委會主席梁福元及沙頭角鄉委會主席李冠洪等支持，延續鄉事與民建聯的惡鬥。
「唔係鄉事鬥啲乜，都冇得同人鬥，鄉事想組黨都俾人打到冚家鏟，我哋有乜能力同人鬥？」1998年至2012年任漁農界代表的黃容根稱，4年前已向民建聯黨領導說明，若業界覺得何俊賢有不足又想他再戰，漁民出身的他將重出江湖。
黃批評何過於「幫政府講嘢」，界內問題不熟悉亦未着力跟進，例如筲箕灣避風塘去年連環火燒船，協助漁民的竟非業界代表，直指「呢個人（業界代表）要識得行業嘅嘢，仲要虛心去學，唔係求求其其喺街邊執個人出嚟做議員」。
何俊賢：我似梁振英
面對前黨友兼上任代表指控，何俊賢回應指：「出嚟參選，就係梗係話你（對手）唔好，唔會話你做得好我就出嚟。」黨齡淺但學歷高，英國伯明翰大學畢業的他指4年前出戰，源於界內亦有求變聲音，個人倡議保留業界傳統之餘亦要創新。
他說早前打風後亦到菜田探訪菜農；否認凡事支持政府，舉例指曾就新農業政策提出反建議並被接納，預料因處事方法與接觸層面與黃不同惹批評，意有所指稱：「似乎未必單純因為我呢個工作不足而造成（對戰），當然有其他原因。」
何不揣測其他原因之時，卻不排除今次競爭是上屆選舉餘波：「可能錯嘅唔在於我，係在於呢個位置上面嗰個人……可能我有啲似梁振英都唔定，坐親呢個位就要（被）隊！」他強調業界代表若為民建聯成員，與政策周旋時能有更大政治支援。
■記者許偉賢