患上喘鳴症的馬匹，往往會對競賽生涯大有影響。當然，為馬匹進行喉部手術，或可成功治癒此毛病，但並非百分百。亦有少部份馬匹不用接受手術，對競賽表現無大影響。
當中最佳例子必然係綽號太陽神之「首飾太陽」，於15年10月20日被証實有喘鳴毛病，而且據知喘鳴程度頗為嚴重，但依然冇對其競賽表現構成影響，上季仲可以三勝級際賽，包括兩場四歲馬系列香港經典一哩賽及香港經典盃，以及三級賽1400米精英盃，此駒到目前為止，尚未接受喘鳴手術治療，堪稱異數。
當然，有好多馬匹患喘鳴後，戰鬥力大幅減退，如最索女馬主蔡加怡愛駒「巨無霸」正是其一，於15年7月12日勝出首Win，同年12月31日接受喉部手術，以矯正喘鳴毛病，但復出三仗全數不入三甲，上季尾最後一仗更大敗逾13身位跑包尾。