選舉期間嘅活動之一梗係剝花生，近期花生友熱捧對象相信係九西參選嘅青年新政游惠禎。繼日前論壇上被問到政綱上提倡開發香港天然氣，其實香港天然氣喺邊度時唔識答後，又有難題考起游BB。
話說有線新聞記者喺選舉節目中問九西幾位候選人，最想改邊一條《議事規則》？游BB首先回應要諗一諗，一位疑似助手嘅男士入鏡喺佢耳邊悄悄話，然後游BB就識答嘞。係咪提水？心中有數！
選民起義fb截錄呢段片，指做得候選人，市民期望有入議會嘅準備，「如果你到呢一刻都仲要靠身邊嘅人提水，唔通入到議會都係靠助手幫你發言？」
網民雖則議論紛紛，但見游BB含羞答答，唔識答問題嗰副純情相，可能「真．花瓶」更冧選民都未定呢。該區其他參選名單，請參閱本報立會選戰網站 http://hk.apple.nextmedia.com/legco2016/region 。