現年57歲的陳志雲處男下海，首次擔正做男主角演出舞台劇《莎士对比亞》，將於10月27日至11月1日假北角新光戲院上演。劇中志雲飾演莎士比亞，影后葉童演他的情人，二人昨日在尖沙嘴半島酒店舉行記者會，志雲和葉童猶如一對新人進場，葉童在台上笑謂：「佢（志雲）第一次畀咗我，估唔到我都嗒到佢。」陳志雲聞言說：「其實我第一次係畀咗袁立勳（該舞台劇導演）。」
志雲指自己跟莎士比亞有共通點，就是性取向成疑，他說：「莎士比亞寫好多詩獻畀一位男士，大讚佢美貌同友情，不過佢18歲奉子成婚，究竟佢性取向係點呢？正如傳媒好鍾意問我，我希望留一點白，如果我死咗之後，大家可以大造文章。」之後志雲接受傳媒訪問，對於今次是處男作，記者問他是否處男時，他反應極快承認：「梗係啦！」何以將「第一次」交給男人？志雲笑說：「佢（袁立勳）唔搵我做，我又點同佢（葉童）做呢！」
與葉童親熱
然而，此劇《莎士对比亞》竟用簡體字「对」，而不用「對」，對香港人而言會否較為敏感及有可能影響銷情？志雲說：「我諗唔會，事實上佢（舞台劇出品人李居明）念念有詞，合指一算，話好鍾意呢個名，有意思，筆畫上要用簡體，我哋有提議過用『VS』，佢話唔得，一定要用呢個，我希望佢計算準確。我哋都明白（字眼敏感），所以我哋都有提出，但呢個係佢嗰科（玄學），我哋都要尊重佢睇法。」志雲透露劇中將與葉童有不少親熱場面，至於是否要着現代褲，他笑說：「未見到要唔要，但我冇問題，唔着都冇問題，只要觀眾冇被嚇走。」
採訪：黃曉妍
攝影：陳慧安
