睇戲從來都唔係小市民嘅專利，好多時候新戲未正式出街，一眾明星都會受邀出席優先場可以先睹為快，不過有時工作在身錯過咗，就要自己入場睇。
周潤發有份演出嘅《寒戰2》上個月上晝，香港票房收逾6,280萬，重奪香港史上華語片冠軍。套戲咁好成績，發哥就帶埋發嫂親自買飛睇，一向親民嘅發哥當場被觀眾圍住集郵。
老夫老妻唔介意與眾同樂，如果係熱戀中嘅情侶，就可以選擇包場。好似前晚開騷嘅城城郭富城咁，上年趁聖誕假期，喺上海同女友方媛(Moka) 拍拖食飯撐枱腳，仲一早包咗場睇陳柏霖主演嘅《萬萬沒想到》。
但有時兩個人睇戲唔一定係見得光，前年彭順喺圓方同o靚模李悅彤（Liddy）睇戲，仲被影到當眾咀嘴，結果激嬲老婆李心潔，仲差啲離婚，擾攘咗好耐先得原諒，都咪話唔大鑊