黃又南最近替衞生巾品牌拍新一輯廣告，品牌去年邀請周柏豪任代言人，今年再接再厲找男藝人代言，又南於廣告中大賣暖男形象，還替女生用衞生巾物料製作熊公仔。又南表示：「接拍廣告前，經理人問我怕唔怕，喺我心目中，衞生巾同紙巾係冇分別，嚟M係好自然嘅生理現象，所以唔介意拍，知道廣告去日本拍仲好期待，都留低咗玩幾日。」
問又南可有幫女友買過衞生巾？他笑說：「我未買過，但要買都冇所謂，我可以好細心㗎！」今次廣告以微電影手法拍攝，又南飾演一位造公仔師傅，他說：「攬咗好耐導演先講係用衞生巾造，我知道女仔買衞生巾買咗先知唔啱用，所以品牌諗咗將衞生巾造隻熊仔，再放喺舖俾人摸好貼心。」
採訪：小米