體育用品公司特步國際（1368）噚日舉行業績會，執行董事兼首席財務官何睿博表示，出年會有以謝霆鋒為主題嘅「鋒系列」，佢仲話「（謝霆鋒）會有份設計同畀意見」，唔知會唔會成功吸引到一班女粉絲呢？
何睿博又透露，預計產品會多啲色彩同花巧啲，主打年輕人市場同中檔路線；主席丁水波仲話霆鋒同集團關係密切，由上市到𠵱家都仲係代言人，可以話喺「同集團一齊成長」，又話佢喺產品概念同靈感都唔錯，對未來產品有信心。
睇番資料，其實謝霆鋒已經由代言人變咗股東，上月同特步訂立協議，認購集團新發行500萬股股份，涉2,235萬港元，即係話霆鋒持有已發行股份約0.23%。