楊千嬅最近養尊處優等10月底開工拍《春嬌救志明》，雖然最近不用拍戲，但她從未得閒過，因為囝囝Torres放暑假，每天都嚷着要出外玩，又特別喜歡睇騷，她要經常帶囝囝欣賞各種兒童live show，照顧兒子絕不清閒。不過她早前抽出一天時間拍攝念慈菴新廣告，合演的還有小妹妹和老太太。
由於拍攝當日天氣炎熱，三人都汗流浹背，千嬅不想大家拍得太辛苦，特別拿了一個手提風扇出來吹風散熱。而現場所見，小妹妹不時與千嬅咬耳仔密斟，現場工作人員都好奇問千嬅為何與小妹妹如此投緣，她笑說：「講卡通囉！女仔同男仔性格好唔同，女仔斯文淡定啲，溝通方式都好唔同，因為我係媽媽，亦經常同小朋友拍戲，有好多伎倆同小朋友混熟。首先我好熟悉兒童節目、卡通片，只要同佢哋打開咗話匣子，佢覺得同你啱channel就會有講唔完嘅話題。」
撰文：鍾國仁