少爺占和Donald主持的ViuTV新節目《對不起 標籤你》上周六、日首播，分別邀請了MK代表阮民安（Tommy）和跨性別人士代表「綠魔」許嘉浩做嘉賓，探討他們平時所受的歧視和不平等待遇。
已宣佈出櫃的男同志梁梓禧亦是其中一集嘉賓，他直認現實中試過被人標籤，昨日在電話中說：「在公在私都有，出櫃前好多圍內朋友都知自己（性）取向，有人話覺你哋啲gay man好鍾意用scarf，又唔見啲直佬會咁？但其實我係有氣管敏感，咁電台長期得十幾度，戴條頸巾保護自己都俾人標籤。」出櫃後又試過被拒擔任婚紗活動司儀，他反問：「點解搵人個司儀唔係睇人能力，而係性取向。」
採訪：嵐山